أحبك واختصرها لك بأنك هاجسي والبوح
وإنك مالك فكري وغاية غاية أحلامي
وإنك نزف أشعاري وسر أسراري المفضوح
وإنك حفلة أوراقي وخيالاتي وأقلامي
وإنك موطن حروفي تسافر لك تجي وتروح
مشاويرٍ أعذّبها على متن المدى الظامي
وإنك قبلة شرودي وحيرة خاطري المذبوح
ومهد أشواقي الغضة ، ذهولٍ يسكن هيامي
وإنك نبض احساسي وباعث في فناي الروح
وإنك من تملكني هواك أغليت أيامي
معاني مااقدر أحكيها واترجمها بكل وضوح
فراشاتٍ ألونها وأنا أتخيلك قدامي
أحبك واختصرها لك أبلسم وقتي المجروح
لعلك يوم تتذكر وتلحق باقي حطامي !