طالبك خذ قلبي معك لاتخليه
أخذه ترا ماعاد لي فيه حاجه
لاصرت عني مبعد وش ابي فيه
خله معك مادام صعب نتواجه
أول خفوقي صوتك العذب يحييه
واليوم ماحصلت غير انزعاجه
نوره طفى من عقب ماكنت مضويه
عقبك خفوقي بات مطفي سراجه
مالي مزاج احب غيرك واحاكيه
حتى ولو كنت داخل مزاجه
غلاك مهما كان ماني بناسيه
مانساه لو غيره ضحك لي حجاجه
طيفك حياتي وين مارحت ألاقيه
ألقاه في حزن العمروابتهاجه
أموت في جرحك وأحبه وأداريه
وخايف مع الأيام ألقى علاجه
كن النظر من يوم ماغبت معميه
أحرجت قلبي وانت سبة عذابه
كمل جميلك طالبك لاتخليه
أخذه ماعاد لي فيه حاجه
تحياتي لكم