04-11-2006, 12:47 PM
|
#1
|
|
!.. عضــو مميـــز ..!
|
يـآ لـيت ربـي بـدل الحـلمـ بالـعلـمـ !
طار الكرى من داعي الصوت ياعم
وأنا أشهد إني دوم شفق ٍ لملقاك
أشفق من اللي وارد ٍ مالقى جم
ومن الظما عَيّل معاقيل الإدراك
والحال من عقبك تلوى به الهم
وأنوح أنا نوح الحمايم على الراك
ليتك تجينا سالم ٍ حي ياعم
وإني مكانك خذت موتك وما جاك
ليت النصايب فوق قبري وتسلم
لو كان موتك يفتدي بك فديناك
لكن ربي حكمه يخص ويعم
والموت حق ٍ قدره رب الأفلاك
مرات أروح لمجلسك وأتلهم
كم ليلة ٍ فيها ترقبت ملفاك
كم مرة ٍ عند المنام أتحلم
إني أشوفك ثم تحدثت وياك
ياليت ربي بدل الحلم بالعلم
وإنك تجيني سالم ٍ واتلقاك
يا أحب من يدعس ومن سار بالقدْم
أنت العديم اللي فريد بسجاياك
ياخير من هو بالجنابي تحزم
ياللي يسارك تجهل أفعال يمناك
ياشوق بنت ٍ أكتست راخي الكم
ياللي الجمايل والشجاعه سواياك
الضيف بعدك غادر الدار والحزم
وقال وينك بالكرامات طراك
والذيب يعوي مرتقي عالي الرجم
ياذيب راح اللي المجاهيم عشاك
تبكيك عين ٍ تذرف الدمع والدم
والنوم جافى جفنها بعد فرقاك
تبكيك وضح ٍ في عُقلها ترزم
رعت مداهيل ٍ بسدك وبحماك
تبكيك غيد ٍ بالغطاوي تلثم
عافوا القلايد حرموها بلياك
تبكيك خيل ٍ في ركضها تهمهم
تنظر لفارس يِبلي السرج شرواك
والشمس تبكي والمدارات والنجم
والليل جاني يحتسف كانه أزراك
مانساك دام البدو تتبع السلم
والناس تعبد واحد ٍ دون إشراك
دام البنات تنقش الكف بالوسم
وعيونهم تنصب مواشيق وشباك
مانساك طول العمر والله يعلم
وأحلف يمين الصدق والله مانساك
كلما ذكرتك أبتهل وأترحم
الله يفسحك ويبيحك ويبراك
عليك من رحمات رب العوالم
شي ٍ كثير ٍ يشملك ويتغشاك
يرحمك ربي عد ماسرت محرم
يرحمك ربي عدة تراب ماطاك
بحق دار ٍ بأرضها الصيد حِرِّم
وبحق دين ٍ مبعد ٍ كل الأشكاك
ودعتك الله خالقك وأتوسم
إنه يخلي جنة الخلد مثواك
|
|
|
يقول هتلر لو كآن لدي السلآح الروسي والعقل الآلماني و حـiiiـحـiiiـqنـl .gif "3 Z O T E (119)") لغزوت العالمـ .. كبير ياهتلر وصح لسانك ...
|