دام ان قلبي يا الغلى صار بيتك=تطمِّني ما بفتحه لاي مخلوق
تونِّسي وجدان روحي فديتك=لا يزعجونك ناس ما عندهم ذوق
(اربع وعشرين) انتهت ما حضيتك=ساعة حضيتك هزِّني يمِّك الشوق
لو قلتي اصبر تآمرين احتريتك=ولو قلتي اقبل جيتك احساس مطفوق
ولو اتصلتي بي وقلتي نصيتك=بوسدك قلبي واغطيك با الموق
ابي اتصل بك يا الغلى ما لقيتك=لعبت بنا سود التعاميم من فوق
لا اخذت انا منك ولاني عطيتك=ما للغلى لذات لا صار با البوق
متى تجي لحظه و اقول اهتنيتك=واحس حبك جارين داخل عروق
متى يجي وسط الحنايا مبيتك=وينام من عقب السهر قلب محروق
جيتك وانا كللي تباريح جيتك=جيتك وانا من عآثر الحظ ملحوق
ضميت روحك يا الغرام ودفيتك=يا كبر حظي كاني اصبحت مسروق
با المنتدى يا مهجتي ذاع صيتك=اما بقلبي ما يخاشرك مخلوق