أنا البارح جلست آتالي الونات طـول الليـل = ودمـع الحـزن خفيتـه ولا بينـت تأويلـه
أنا لامى تذكرتـه يفـز القلـب لـه بالحيـل = أبيت أقدر على فرقاه ويـش الحـل والحيلـه
عجزت ألقى لصّد الزين لامعنى ولا تحليـل = ولا همّـه يعذبنـي وانـا أتحمـل بهاذيلـه
بغيت اقرب ولكنه بعيـدٌ مثـل نجـم سهيـل = حبيبي كلمـا أفتـح بـاب واجهنـي بتقفيلـه
تخيلتـك وحسنـك ياحبيبـي زاد بالتّخييـل = تخيلت العيون السود تكفي مـن ورى الشيلـه
ألاان الحب مثل النار ويل اللي سكن به ويـل = حرق قلب الضعيف وصاب من دونه رجاجيله
في اول خطوته محلاه فل وياسميـن وهيـل = ولا منـه تمـكـن آه يامكـثـر مقاتيـلـه
به التاريخ يروي قصة العشاق جيـل وجيـل = وقصة قيس مع ليلى وعنتـر وش محاصيلـه
ألا يامن هجرني لاتظن انـك بقلبـي سيـل = أنادي لـك ولا بـدك لمحبوبـك تنـادي لـه