•••【♥】آهـ ما أغباهـ قلبي يومـ ظنّيت الوفا ..【♥】•••

03-06-2008, 05:22 PM

.:.

بـدايهـ أشـواقي ...؛
{ .... تتـلاشى كـل التعابـير حينمـا تكـون الفكـرهـ انـتي وحبـك
ويبقـى الإحسـاس فقـط ....! }

.:.

ضمّني حبيبي ..
وكسّر ضلوعي ..
ضلع .. ضلع ..!!
ياحلو كسر الظلوع .. وضمّها ..!!

ضمّني موت وحياة ..!!
عطني أنفاسكـ عطر ..
وتمتمـ بحرفين شوق ..
وأنت ذوقكـ بالهوى من جدّ ذوق ..

ودي أشرب ..
الظما يجرح لهاتي ..
وسال دمّي من شفاتي ..!!
يا غناتي ..
مابقى بالكاس صبر ..
ولا بقى بالقلب ما يقوى عليه ..
لمّني ..
شمّني ..
انتفض مثلي وله ..
خلّني أحسّ إنّ الهوى يحفر عروقكـ ..
خلّني أذوق الموت في لحظة أذوقكـ ..!!
حرّكـ شفاهكـ شويّ .. خلّني أكتب قصيدة ..
قل كلامكـ ..
وإن قضى حكيكـ أبي تكفى تعيدهـ ..!!

وخلّ أقولكـ شي ..!!
يمكن إنّه عند غيري شي عادي ..
بس في قلبي كبير ..!!
ويمكن إنّه عند غيري بس كذبة ..
بس أنا عندي حقيقة ..
تدري وش هو ..؟؟
وربّي اللّي كوّن الكون الكبير ..
إنّ غلاكـ اكبر شويّ ..
وإنّكـ بـ قلبي شمال ..
وإنّكـ بـ عقلي خيال ..
وإنّكـ بـ دمّي دلال ..
وإنّكـ بـ نبضة وريدي كلّ شي ..!!
وإنّكـ حروفي بـ قصيدي ..
وإنّكـ الضّحكة بـ عيدي ..!!
وإنّكـ أحلى من سنيني ..
وإنّكـ أقرب من شراييني لقلبي ..
وإنّكـ إحساسي وشعوري ..
وإنّكـ النّاس بـ عيوني ..
وإنّ سواليفكـ مطر ..
وإنّ العرق بكفكـ عطر ..
وإنّي أقهر فيكـ شمس الصباح ..
وأغيض القمر ..!!

.:.

آآآآآآهـ وا كـبرهـ " بـ / قلـبي " ولا بـهـ جـدال
- فـوقهـ - الـلا شعـور ودونـهـ المستحيـل
بـين حـد الجنـون .. و .. بـين حـد الخيـال
شـي × مـ / اقـدر × على وصفـهـ ومـا لـهـ مثيـل
والأكيـد ان ’ حبـهـ ، بـ / الحشـا لا يـزال
|| سـاكنٍ || وسـط روحـي وانـا عـابر سبيـل !

.:.

[تعذبني] ولا تدري بعذابي ..
عذاب [الحبّ] يذبح من يصيبه ..

بحر حبّكـ غدا بي وانتحابي ..
ولا فزعة ولا ديرة قريبة ..

[أصيح] صياح ماحيّ(ن) درى بي ..
مصيبة وإن حكيت أكبر مصيبة ..

ولو أخفيت مايخفى صوابي ..
صواب الحبّ طبّه من طبيبه ..

ولا جاني وصاة ولا كتابي ..
أسلّي به عيونه واهتني به ..

ألا يازين تلعات الرّقابي ..
خسارة .. [حبّ غيركـ وش أبي به] ..

ولكن من بغى وصلكـ يهابي ..
ولا يوصلكـ علمـ (ن) أو يجيبه ..

.:.

إغلـط ؛؛ وانـا ان كـاني زعلـت مـن الغلـط والا رضيـت
مـا والله أكـدّر ~ صفـا جـوّك ~ بـ / كلمـهـ جـارحهـ
هـذا وعـد وأنـا تـراي [ انسـان .. راقـي .. وآتكيـت ]
واحفـظ وعـودي – دايـم - بـ / نفـسٍ رضيـّهـ ؛ سـامحهـ !

.:.

بطّلت [أحبّ] وأعيش دنياي مرتاح ..
حتّى الهوى غيّرت فيه اتّجاهي ..
لا حزن لا دمعة ولا ذلّ وجراح ..
لا قلب مشغول ولا فكر ساهي ..
بدّلت كلمات [الغزل] جدّ وصياح ..
ماعاش من يقدر يعكّر مزاجي ..
أباخذ الدّنيا [دلع] ، [لعب] ، و [أفراح] ..
أبغى كذا أعيش دنياي [لاهي]

.:.

مو [مهمـّ] ومو ضروري ...
تقول حاجة [ماتبيها] ..
أنت بس عش نفس دوري ..
تشوف أشيا لكـ عليها ..!!

عـ [المحبّة] ما جبرتكـ ..
نفسكـ وما تشتهي ..
ورغمـ إهمالكـ عذرتكـ ..
بس أبي ما ننتهي ..!!

مرّت سنين انتظاري ..
وأنا حالي شوف عينكـ ..
أشتكي ناري لناري ..
وأنت [ما] هزكـ حنينكـ ..

أنت لمّح لي بكلامكـ ..
إنّكـ أنت [تحبّني] ..
طال ليلي في ظلامكـ ..
وأنطفي وتشبّني ..!!

أنا بس اللّي [أحبّكـ] ..
وأنت في دنياكـ لاهي ..
هو متى (يحنّ) قلبكـ ..
الحكي مات بشفاهي ..!!

مو مهمـّ ومو ضروري ..
تقول حاجة ما تبيها ..

.:.

تـدرون ليـهـ القصـايد بـ / الخفـوق ~ رجفـت ~
مثـل الصـواعق يـدكّ الجـال مـيرادها ؟!
وحـتى الجـروح العظيمـهـ - لـو تعـوّد - شفـت
والحـرب منهـا يطـير " الـراء " لـ / إسعـادها !!
والغيـم يحبـل الـى مـن الهبـايب لفـت
كنـهـ يحـرّض حـروف الشعـر : قـم نـادها : !!
تـدرون ؛؛ حـتّى وحـتى بـ / القصـايد حَفـَت
السالفـهـ بـ / إختصـار
’ اليـوم ميـلادها ،

.:.

إيه [ خنتكـ ] ..
لجل أنا أرد اعتباري ..!!
صح هنتكـ ..
و ماني محتاجة أداري
و لا ترجى اعتذاري ..!!

واسمع اللّي لكـ بقوله
يا تفاهات الطفوله ..
ماني بذيكـ الخجولة ..
و بجرحكـ يا جارحي ..!!

شفت وشلون الخيانة قاسية ..؟؟
لحدّ " الإهانة " ..!
مير من باب الميانة ..
قلت مثلكـ بطعنكـ ..

وأنت بحدود البكي ..
لا تكثّر بالحكي ..
و لا تظنّ إنّكـ ذكي ..
و أنت جرحي يسكنكـ ..!!

تهمتكـ لي [ الخيانة ]..
زيد معها ..
سبق إصرار و ترصّد ..!!

يعني النيّة بـ قلبي / نيّة مبيّتة
لأني أصلاً و بصراحة ..
خنت عمدًا ..
لجل أورّيكـ اللّي شفته ..
ولا تظنّ إنّي "جبانة " ..

جيت أواجه ..!!
و أسمع لهرجي رجاء ..

خنتني يوم الوفا فيني كبير ..
يعني أنت اللّي بديت ..
هنتني يومـ العطا منّي كثير ..
ودون ما أدري قسيت ..!!

و الفعل لا بدّ له / ردّة فعل ..!!
و أنا منّكـ انعميت ..
قلت أسوّي مثل فعلكـ ..
ثمـّ فعلت ..!!
ليه بفهمـ .. انفعلت ..!!

آهـ يا ذا [ المجتمع ] ..
الصداقة للرجل ..
و الخطايا للرجل ..
و الخيانة للرجل ..
قابلينه في خطاهـ ..!!

بس احنا
ما لنا غير الخجل ..
و التّغلي و الوجل ..

والله أعطانا قلوب .. تعشق بصدق / وتذوب ..
و لجل حبّ اللّي نحبّ نسعى حتى للدّجل ..!!

آهـ ما أغباهـ قلبي يومـ ظنّيت الوفا ..
و العاطفة و إحساس الدفا ..
ممكن إنّها تجتمع بهالزمن في قلب واحد ..

يا خايني / مع السلامة ..!!
رح مع ذاكـ الطّريق ..
خنتكـ لأنّكـ تستحقّ الطّعن و كفوف الغدر ..
منت بكفو بنت(ن) وفيّة تملكـ الحبّ العميق ..

طابت جروحي يوم شفتكـ ..
منصدمـ بي منقهر ..

يا خايني / مع السلامة ..!!

.:.

ياشينها لا صرت بين اختيارين ..
مستقبلكـ ولاّ حبيب(ن) تودّهـ ..

.:.

نهـايهـ جنـوني ...؛

{ .... صدقيـني وإن كُنـا خلـف شـاشات لا نشعـر بهـا
ولكـن !! ..........................
نشعـر بـ / مـن يمـرون علينـا مـن خـلالها ....! }

.:.

03-06-2008, 06:01 PM

*اخي القدير*

شقى الحيران ..

تقديري واحترامي لك

ولجميل اختيارك الرائع

مسجات رائعه معبره

ابدعت وتألقت

محبتي

03-07-2008, 02:59 AM

إغلـط ؛؛ وانـا ان كـاني زعلـت مـن الغلـط والا رضيـت
مـا والله أكـدّر ~ صفـا جـوّك ~ بـ / كلمـهـ جـارحهـ
هـذا وعـد وأنـا تـراي [ انسـان .. راقـي .. وآتكيـت ]
واحفـظ وعـودي – دايـم - بـ / نفـسٍ رضيـّهـ ؛ سـامحهـ !

روووعــــــــــــة,,

ألف شكـر لكـ أخـــــووي,,

تقبل مـروري,,

03-07-2008, 11:59 AM

شقــى الحيرآنِ...

ذووق والله...

عافك الله..

موودتيِ..

03-07-2008, 12:58 PM

بطّلت [أحبّ] وأعيش دنياي مرتاح ..
حتّى الهوى غيّرت فيه اتّجاهي ..
لا حزن لا دمعة ولا ذلّ وجراح ..
لا قلب مشغول ولا فكر ساهي ..
بدّلت كلمات [الغزل] جدّ وصياح ..
ماعاش من يقدر يعكّر مزاجي ..
أباخذ الدّنيا [دلع] ، [لعب] ، و [أفراح] ..
أبغى كذا أعيش دنياي [لاهي]

مسجات رووعه ..

الله لايحرمنا من رووعة مواضيعك ..