طفل ضآيع || ;;

04-12-2009, 01:27 AM

,,

طفل ضايع . .
على خده ملامح شايب مكسور . . !!
[ ضناه الهم ] و [اغراه الزمان ] و [مات بيديني ]
اشوف مرايته سودا . .
ولعابه حطام قبور
وبيته . . غرفه من طين
وأقلامه . . سكاكيني !!
دفنته . . وانتهت . .
قصة غرام . . وشاعر مغرور . . !!
واخذت من الدموع اكتب . .
مكانه وين من عيني ؟!
لقيته في مناديلي . .
يصيح ويشعل التنور . .
يقوول ارجوك ياغالي. .
تلملم غربة سنيني !!
يقول صبري البارح تمادى حده المسعور . .
وانا من ذقت غرباله . .
طرالي بيت يبكيني . .
[ لو اغرق في بحر حبه ] او [ اشرب من عناه بحور ]
. . [ قسم بالله ماتنزل غلاته من شراييني ] . .
بكيت . .
وقال :
يا ابن ادم انا الميت . . انا المقبور
علامك كل ماجيت . . تزيد من القهر فيني ؟؟
وقلت :
الناس يا ابن ادم . .
تجيلك كل يوم بدور . .
تجي في الصبح تفرحني . . واذا طابت تبكيني . .
اشووف الهم يسرقني . . واثاري همنا مقدور . .
مدام الليل مايدري . . علام الويل يشقيني . . ؟!
ومدام الصبح يسرقني . . تعال اكشف المستور . .
حكايه من غرابتها . . بدون شعور تطريني . . !!
" مدينه " . .
سورها ضايع . .
و " شارع " . .
شاعره مبتور . .
و "حديقه " . .
في مراجحها نبت . . ورد وشياطيني
و " دفتر " . .
مله الشاعر . . رسم فيه [ الغرام قصور ] . .
و " قصيده " . .
من جرائتتها . . تقول العن عناويني !!
و " بيت " . .
باخر الشارع يمينه . . شارع مشهور . .
يساره . . شارع اغبر عليه ابكي دواويني . .
ومره في لياليها لقيت . . اني بدون شعور . .
بديت احب لي طفله . . على الاوراق تغريني . . !
بديت ارسم ملامحها . .
ليالي حظها المأسور . .
وبدا طيش السهر ليله . .
بدون احساس يسقيني !!
وبدا يشرح معاناته . . وانا [ من داخلي مقهور ] . .
وبديت اشرح معاناتي. . وهو مثلي يواسيني . .
كبرت وشفتها تكبر. . حقيقه تنتمي لسطور . .
مابين احساس " يوصلني " . .
الين احساس " يخفيني " . .
شعرته ليلة ظلما . .
لقيته غادتي والنور . .
ذخرته في مكاتيبي . .وجنيته حب يحييني. .
. . [ أحبه ] . .
كثر مامرت من ايام الغرام دهور . .
. . [ أحبه ] . .
كثر ماتمطر سحابة في بساتيني . .
. . [ أحبه ] . .
كثر مامرت ثواني حبنا بشهوور . .
. . [ أحبه ] . .
كثر ماتطري ذنوبه في موازيني . .
. . [ أحبه ] . .
كثر ماطار الحمام وغرد العصفور . .
. . [ أحبه ] . .
كثر ماحرفي سال من حيرته ويني . .
. . [ أحبه ] . .
كثر ما ازعل من ايام الجفا واثور . .
. . [ أحبه ] . .
كثر مايسري خياله في مياديني
نبتله بالخفى ورده . . سقتها دمعتي بسرور . .
قطفها . . " بس بالقوه " . .
وانا مذهول وش فيني . .!!
حسبته يوم قطفها . .
يقوم يقول لي : مشكور . . !!
ولكن راح من عندي . .
وانا الاحزان ترويني
دخيلك . .
ليه تجرحني . . ؟!
وانا ارسمك لشذاي زهور . . !!
دخيلك . .
ليه في بحرك بدون شرااع تنسيني . . !؟
دخيلك . .
ليه وباقي سوى اني ابتعد مجبوور ؟!
اخاف اكون في بالك . .
مجرد [ شعر يعنيني ] . . !!
بكت كل الطرق بعده . .
بكت واستاذنت بالجور . .
وبديت ألملم اوراقي . . وأردد
. . [ مايخليني ] . .
لقيت ان الطفل ميت . . !!
وانا في حيرتي منثور . .
مابين . . اسال على حالك . .
وبين . . الله يشافيني . .
دفنت الطفل في صدري . .
بكيت وقلت له " معذوووور " . .
مدام الهم في قلبي . .
نمى واجتاح من حيني . .
ولكن خل في بالك . . / . .
مدام ان الحكي محظور
مدامك شفتني ابكي . .
ترى هالبيت يبكيني . .
[ لو اغرق في بحر حبه ] او [ اشرب من عناه بحور ]
. . [ قسم بالله ماتنزل غلاته من شراييني ] .

مما رآآآق لي

04-12-2009, 01:36 AM

وووووووووووووااااااااااااااااااووووووووووووووووو
روعه تسلم يمناك
يعطيك ربي الف عافيه
يسلمووووووووووووووووووووووووووووووووو
تحيات روح الغلا وكلي حلى فديتني اجنن

04-12-2009, 11:28 AM

تسلمي أخيتي أجمل انسانه
همسات جميلة
بالتأكيد .. ملكتي الحرف فأبدعتي
ربي يعطيك العافية
تقبلي تحياتي مع كامل احترامي

04-12-2009, 01:35 PM

راق لـي ماراق لكِ
سلمت يمناك
غلاتي اجمل انسآنة
على القصيدة الروع ـة
كل الوود
.,

04-12-2009, 02:00 PM

[ لو اغرق في بحر حبه ] او [ اشرب من عناه بحور ]
. . [ قسم بالله ماتنزل غلاته من شراييني ] .

بيت عن قصيده
رائعه جدآ ما نقلتي
قصيده عآنقت الجمآل
وحروف أعجزت الأقلام
عن مجآرآتهِا
عواافي يالغلا
في انتظار دومآ
ماتُتْحِفُنآ به هذه الأنآمل
دُمـتي
\
/

04-13-2009, 12:05 AM

يسلمو ع الترح المتميز

لاخلا ولاعدم

دآم نبض قلمك

لك ودي

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق