الدمعه اللي وسط عيني من سنين
حبستها مابين جفني والاهداب
فيها رسالة شوق مضمونها وين!!
مصيرنا يـ اغلى الحبايب والأقراب
وفيها من الذكرى سطور وعناوين
وفيها مشاعر حب واحكاية احباب
كآنت تسليني ليا صرت مابين..
ليل(ن) طويل .. وجرح ينزف ولا طاب
فيها من الماضي زهور وبساتين
وفيها من الحاضر وله..شوق..وأعتاب
يابنت حطي هـ الشطر بين قوسين
مايذبح العاشق سوى الظن لاخاب..!!
اليا متى هـ الدمع سايل بخدين..؟
حنى غدينا كن طالب وطلاب
اليوم انا وياك طيب وبعدين .!؟
يمكن بعد بكرا انا حآضن تراب
صبي حنانك من مزونك برمشين
وأحيي عيون (ن) جفنها منها ذاب
أنتي علي أقرب من الدمع للعين
والحين صديتي بلا عذر وأسباب.!
الله يسهل لك دروب المقفين
والله يجازي من عن الدرب أنساب
ايه الكتابه تنكشف من عناوين
مير الغلا مايكشفه حبر وأكتاب
وأيه اتمنى شي والكل راضين !!
بيت (ن) على المعنى غدى حلم الأحباب
ليت النظر يكشف قلوب المحبين
وليت النظر يشرح تفاصيل الأعجاب...!