قبل السفر

04-28-2009, 06:09 AM

استأذنك .. بسافر ايام .. وأجيك
وان طالت أيام السفر .. لاتحاتي

حتى ولو طوّلت .. ماني بناسيك
ياللي بدونك .. ويش تسوآ حيآتي؟

تامر على حآجه ؟؟ .. بوديك والجيك
عسى عوض الايام .. في المقبلاتي

حتى يدي .. ماودها تفارق يديك
ساكت .. وانا اشوف البلا في سكاتي

ماشفتني لارحت منك .. التفت فيك
بلاي والله (( روحتي والتفاتي ))

لكن قبل ماروح .. ودي اوصيك
وانت الوحيد اللي تقدر وصآتي

لاحد سألك .. وقالك ((وين مغليك)) ؟؟
قله :"لوازم لاقضاها بياتي"

وان طروا النسيان .. ماني بناسيك
ياراس مالي في الحياه .. وغناتي

وان طروا السلوان .. ماني بساليك
طيفك معي حتى وانا في صلاتي

قلبي .. وهو قلبي اذا مر طاريك
لولا ضلوعي .. كان عزوا مماتي

لو جض صدري .. كان يمديه ياتيك
ويبات عندك .. ويهنى بالمباتي

انا.. وقلبي ..والغلا .. ساكن فيك
وانته .. وقلبك .. والغلا .. وسط ذاتي

غلاك.. مثل الحكم عند المماليك
اكبر طموحي..لا..كل امنياتي

شف في غيابي اي حاجه تسليك
لاني بعدك..اسلى مع ((ذكرياتي))

احاول اذكر . اي شئ يطريك
"واقول هو سوآ..وانا ذي سواتي"

كني موادع .. كل شئ حواليك
وكني حسبت حساب ((حزة وفاتي))

احب..لاني مقدر انساك .. وآبيك
ولااقدر اخليك .. ياللي تحاتي

معنى احب .. وماقدر انسى واخليك
((يعني بدونك ويش تسوى حيآتي ؟ ))

يمه كتبتك فوق صفحات الأوراق=وانتي بقلبي لو كتبتك بالغيوم

يمه أحبك دام بي قلب خفاق=ومحتاج لك أكثر من أيام مفطوم

يمه حنيني يزيد وتزيد الأشواق=واحتاج لك في فرحتي وكل الهموم

يمه إذا الخلق اعرفت مين ( عشّاق )=فانتي عرفتي ( عبدالله ) اللي معك دوم

يمه يعذب خاطري حيل الفراق=لا ذوق زادي ولا اهتني لذة النوم
يمه في قربك كل لحظه بها اشتاق=وش عاد بعدك والرضا منه محروم

يمه السموحه 00 لك جميلٍ بالأعناق=ولا عرفت أرضي ضميري من اللوم

يمه أبي أرسم وصوفك بالأحداق=وفي غربتي برسل لك أخبار وعلوم ٍ
يمه السفر بدري قبل وقت الإشراق=وحضنك الدافي غصب منه باقوم

يمه 00 فمان الله والدمع دفاق=دمعي سبقني قبل ما سافر اليوم

04-28-2009, 06:20 AM

اقتباس:

تامر على حآجه ؟؟ .. بوديك والجيك
عسى عوض الايام .. في المقبلاتي

حتى يدي .. ماودها تفارق يديك
ساكت .. وانا اشوف البلا في سكاتي

ماشفتني لارحت منك .. التفت فيك
بلاي والله (( روحتي والتفاتي ))

لكن قبل ماروح .. ودي اوصيك
وانت الوحيد اللي تقدر وصآتي

لاحد سألك .. وقالك ((وين مغليك)) ؟؟

قله :"لوازم لاقضاها بياتي"

قصيدة مؤثرة جدا

روووعه بنفسج

صح نبضك وذووقك لاهنتي

يعطيك العافيه يالغلاا

04-28-2009, 08:03 AM

المرسا

القصيده ازدانت وتألقت بقدومك على ساحلها
فالحروف وقفت احتراما
والمعنى انحنى تقديرا
لك تحياتي وشكري

04-28-2009, 01:59 PM

يعطيك الف عافيه على الموضوع الرائع
وعلى الطرح المميز
وتقديمك

اسمح لي ابدي اعجابي بقلمك
وتميزك واسلوبك الراقي وتالقك

04-28-2009, 03:45 PM

الله الله الله

ماشالله عليك بنفسج

أبدااااااااع وتألق ورونق جميل

خاطره رائعه تهز الوجدان

عن جد أعجبتني

يعطيك ألف عافيه..

أتوق لروائع آخرى من مدادك

04-28-2009, 04:41 PM

بنفسسج

من جد إنتقائك روع’ـه وذوقك اروع

قصيده وربي روع’ـــه بكل مافيهآآآ تعيشك جووو ثآني ):

ربي يعطيكِ العافيه على القصيده الروع’ـه

ولآتحرمينا جديدك..

مودتي

04-29-2009, 06:33 AM

صاحب السمو

امير الورد

شقى الحيران

شكرا" على المرور الجميل .. والاطراء الذي قد لا استحقه
شرفني مروركم العطر .. على اوراقي ..
دمتم بخير

04-29-2009, 02:38 PM

يمه حنيني يزيد وتزيد الأشواق=واحتاج لك في فرحتي وكل الهموم

يمه إذا الخلق اعرفت مين ( عشّاق )=فانتي عرفتي ( عبدالله ) اللي معك دوم

غلاتي اهنئك من القلب على رقي حرفك
جميله تلك المعاني التي حواها متصفحك
دمتي برقي لاينتهي

05-02-2009, 01:44 AM

تواجدكم دائماً يسبقه الورد
لكم التحية والتقدير
أسعدني هذا الحضور

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق