يا صباااااح او مساء الرجه على وجيهكم ياااارب



هل أنت مرجوج ؟

وإذا كنت كذالك .. ماهو مستوى رجتك ؟

ومالعلاج ؟

للإجابة على هذه الأسئلة ماعليك سوى اجراء هذا الاختبار النفسي ..

السؤال الأول :

انت توك قايم من النوم واليوم السبت وطفشاااان ووااااصلة معك .. قمت تغسل وجهك وتفاجأت بنملة تبي تدخل خشمك .. ما هي ردة فعلك :

1- تمسك النملة وتفعصها بإصبعيك وأنت تكركر ومستانس و تقول : والله يا أنتي نملة منسمة تبين تخترقيني .. هااااااي .. بس على مين أنا أبو جلمبو والأجر على الله .
2- توخر النملة عن وجهك و تنتفها وانت تلعنها وتشتمها .
3 - تخلي النملة تدخل خشمك .

السؤال الثاني :

رااااجع من المدرسة أو الكلية او العمل .. المهم وتلقى الواااالدة سرحانة في الصالة تفكر وش تصلح بكرة إذا بغت تسير في الضحى على أم صويلح .. ماذا تفعل :


1- تسوي نفسك تعباااان وتصرخ وتمسك قلبك كأن ذبحة قلبية جايتك وأنت تقول : الحقيني يمة قلبي .. قلبي .. ولما تنهبل أمك عليك وتبي تكلم أحد يجي يوديك المستشفى .. تقول لها : قلبي تولع في الرياض.. حب ورثته من الجدوووود
هااااااااااااااااااي والله تسحيبة يمة .
2- تجي بشويش من ورى أمك وهي سرحااانة وتصرخ في أذنها وتقول : مساااااتج الله بالخير .. وطبعاً هي بتنفجع وبتقول وجع الله يمسيك بعصا إن شاء الله .
3- تطلع غرفتك وماتسوي شيء

السؤال الثالث :

انت توك مقيل وماخذ لك قيلولة على كيف كيفك ونااازل الصالة إلا وتشوف خواتك الصغااار عند سبيس تون طااايرة عيونهم .. ماذا تفعل :

1- تجي يعنني تكنس وتغطي عليهم التليفزيون <<< أحلى يا أليسا
2- تجي يعنني بتشبك شاحن الجوال وتقوم تفصل فيش التليفزيون .. وتقول : أوه آسف .
3-تقعد تتفرج معهم.

السؤال الرابع والأخير :
بعد العشاء اشتهيت تويكس ونزلت تشتريه من البقالة ولقيت سيارة خويك عند باب البقالة :

1- تنسم كفراته الأربعة .
2- تسلم عليه وتلزم عليه يعزمك على العشاء .
3- تشتري له تويكس معك



النتيجة :

أعط نفسك لكل اجابة رقم واحد 3 درجات
ولك اجابة رقم 2 درجتين
ولكل اجابة رقم 3 درجة وحدة



9 - 12 :

أنت مرجوووج جداً ..

حالتك خطيرة .. وقد تتحول رجتك إلى هبااال رسمي .

الحل : خل امك تهمز راااسك بزيت شيل ثمانين مرة بالثانية وإن شاء الله ماقدامك إلا العافية .



5 -8

أنت مرجوج بس على نذااالة شوي ..
مستوى رجتك معقول لكن لا تستخف دمك كثير .

الحل : خل عنك النذالة .. ولازم تؤمن إنك تعاني من الدلاخة في مراحلها الأولى ..

كل عصفور قبل الغدا مرة في السنة .



4 - 5

يا أخي انت مب في الدنيا .. ميت والناس حيين ..

انتبه على نفسك لأن أهلك احتمال ينسووووك إذا بغو يسافرون.

الحل : كورس رجة مكثف عند أعلام الرجة

اتمنى إن كل واااحد عرف نتيجته ..