السلام عليكم ورحمة الله وبركاته ..
.. هــمســه ..
.. مساكم الله بالخير حبايب قلبي ..
.. احب اجدد وابلغ أعضاء عزوتي محبتي لهم ورواد العام بشكل خاص ..
.. واللهي بالفعل وبعيد عن ..
.. المجاملات صار هالمكان جزء من حياتي وانتوا الجزء الاكبر منه ..
.. ندخل بالموضوع ..

* * *

.. مثل منتوا عارفين قوله تعالى ((وجعلناكم شعوبا وقبائل لتعارفوا)) الآيه ..
.. والعرب كلها قبائل وشعوب ..
.. موضوعي يخص العادات والتقاليد المخالفة للشرع ..
.. واللي بقت في عقول ابائنا واجدادنا إلى هالوقت ..
.. ولا ادري متى يتخلون عنها ..
.. هو الصراحة صعب يتخلون عنها لان العادات ..
.. بعقولهم صارت مدهونه فبوية على جدران المخ ..
.. ولا يزيلها لا تنر ولا بنزين حتى بالقبر ما تحلل تبقى لازقة بالجمجمة ..
.. المهم ..
.. فا راح اعدد لكم من هالعادات كمن عادة والباقي عليكم ..

.. الأولى ..
.. التحجير : وهو تحجير البنت لولد عمها يعني البنت ..
.. ما تتزوج غير ولد عمها ..
.. والولد ما يتزوج غير بنت عمه طيب افرضوا يا آباء ركبتها سوده ..
.. ولا خرسه ولا ما تتروش بالاسبوع مره ..
.. برظو مصممين تزوجوني لها .. واطلع انا الضحيــة ..
.. ولو فرظنا العكس ان ابن العم هذا صايح ضايع متشرد ..
.. مظلل الكامري حقته والجنوط سود ..
.. وراعي سكر ونكر وملعون ابو جد جده ..
.. المسيكينه البنت تبتلش فيه ..
.. تلقى واحد من افراد قبيلتها يتقدملها وشاب كويس ومحترم ..
.. ورجل بمعنى الكلمة يرفضووه ويجي ذاك الصايع ..
.. ياخذها (( حلالاً بلالاً )) هذا مو كلام هذا << عصب على الصايع ..

* * *

.. الثانية ..
.. التشاؤم بالبنت : لما الواحد زوجته تموت بالحمل 1000 مره ..
.. ويجي الزووج المتخلف لما يسمع ان المولود بنت انقلب لونه ..
.. قال تعالى ((وإذا بشر أحدهم بالانثى ظل وجهه مسودا وهو كظيم)) ..
.. وهذي من عادات كفار قريش الذي انكرها الله بالاية السابقة ..
.. وأحيانا يطلقها (( يا متخلف وش ذنبها )) ..
.. وبعض الناس انحرم الذرية بأكملها لا بنت ولا ولد الله المستعان ..

* * *

.. الثالثة ..
.. المغالاة بالمهور : قال صلى الله عليه وسلم ..
(( اقلهن مهور اكثرهن بركة ))
.. وعندنا البنت مهرها من الــ 80 ألف لين 150 وأحيانا توصل الــ 200 الف ريال ..
.. خير يبا انا ماخذ بنت ولا مشتري قصر بالعليا ..
.. وتلقاهها ما تعرف وش معنى اسم (( مطبخ )) واذا عرفته اقوى طبخه تعرفها ..
.. تسوي شاهي وتسخن خبز وتفتح معلبات زيتون ..
.. وفيه بعض القبائل اذا البنت تزوجت لازم امها تاخذ مبلغ وقدره والاب لازم لاندكروزر من الوكالة ..
.. والخوات كل وحدة طقم ذهب وخمس آلاف ..
.. لييييييييييييه انا متزوج اهلك كلهم ..!!
.. والمسكين توه متعين بالحرس وماخذ قرض ويبي يتزوج ..
.. واعزوتي لك يابو حريسان ..

* * *

.. الرابعة ..
.. أتركها لكم ولأقلامكم واللي عنده عادة مخالفة او سلبية نوعا ما لا يقصر ..
.. واللي يبي يعلق من الدول المجاورة راح اكون في غاية السرور ..
.. لو شارك بتعليق بسيط ..
.. همسه لــ صدى الآهات أحس انك تبي تسترسل بالموضوع ..
.. عب قلمك حبر وتعاااال استرسل