تعلم واضحك مع الانجليزي (إستهبال على كيفكم )

01-22-2010, 12:54 AM

:bigsmile: السلام عليكم:bigsmile:

اكثرنا لا يحب الانجليزي وما يعرف يتكلم انجليزي عشان هو صعب و...و...و...عشان
كدة جبت هذا الموضوع عسى تحبو الانجليزي

وتصيرونتتكلمون انقلش بطلاقه

يالله نبدااء

ازعجونا في اللغه وهي سهله بس المشكله في المعلم,

فقع روسنا بالقواعدوالفاعل والمنصوب والناصب والحرامي
لكن انا جيتكم وبعلمكم بدون وجع راس يالله نبدأ

:افرض واحد ضربك على اصبعك بقوه وش بتقول : اي اي اي ,,,,, لاتسوي نفسك ذكي وتقول اح ,,لأن الضربه قويه لازم اي اي اي ,,,, i = معنها = انا

هل تحب جبنة بوك= لاحظ بوك بس نوع فاخر +بوك= book = كتاب

هل تحب الكت كات= لاحظ كات بس نوع بناتي فاخر+كات=cat =قط >>> جعله يمشخكم

هل تحب شاي= لاحظ شاي = shy = خجول <<<<<< يعني تقدار تقول : i'm shy <<<<<<<<< انا خجول

وانتي واقفه تطالعين المرايه ,,,, فار مر ,,, تحت رجولك ماذا يحدث,,,, بتصير مشاكل كبيره ,,, ليش كذا ؟الجواب: فار مرفار مر ,,,, معنها مزارع ,,,,, ككك; farmer <<<< مزارع

من مايعرف الرئيس الامريكي ( بوش ) بوش -بوش = push = يدفع _يعني = يدف = وتلاحضونها على الأبواب يعني تقدار تقول= ادفع الباب او دف الباب = push the door = بوش ذادور

كلمه ثانيه:واحديقولك: كيل تفاح تصير قوي_ كيل برتقال _كيل موزلاحظ ( كيل ) كيل -كيل = تعني = يقتل او اقتل = kill مثال = اقتلني = كيلمي = kill meاو= اقتله = كيل هيم= kill him

كلمه ثانيه:واحد يطق الباب وش تقوله: اكيد تقول ( مين) مين مين مينmean = مين = تعني = معنى = او قصد = كأنك تسئل وش معنى كلامك او وش قصدك
مثال: تسئل واحد وش قصدك ؟ what do you mean = وات دو يو مين

كلمه ثانيه:وعلى فكره كلمة = com الي تشفونها في الرابط = تعني = شركه = وهي اختصار كلمة = company

تسمعون البزر
يقولالى امه : ماما يالله قوه البيت = قوه قوه = ياقليب قليبوه المهم واضح معنها لكم :go = كوه = قوه يالله نروح=

let is go = ليتس قوه كف = فيه احدما جاه كف على وجه ؟ انا بصراحه تصفقت لين دخت
كف= معناها = كحه . كف = cough تقدار تقول= i have cough = اي هاف كف = انا عندي كحه او سعالمذر كير = من مافيه من البنات مايعرف مذر كير = طبعا نوضحها للشباب = هذي ماركه تهتم بملابس الأطفال او اسم محلات تهتم بملابس الأطفال تشفونها دائما بلأسواق ( دعايه مجانيه ) يالله بسيطه ,المهم
مذر كير= عباره عن كلمتين دائما النساء ينطقونها ومايدرون انهم يتحدثون الأنجليزيه بطلاقه , نقسم الكلمتين مذر = ام +ماما +امي= الي تبون تسمونها= مثال / هذه امي = this is my mother = ذس از ماي مذركير= عنايه= اواهتمام او يهتم او يحرص= care = كير = مثال/ انا اهتم فيك = i care about you = ايكير اباوت يوانااهتم

= i care = اي كيرباوار هورس = مشروب الطاقه المعروف موجود في السوبرماركت = لوتلاحظون عليه رسمة حصان هورس = حصان = horse

باوار= قوه =power ركزوا معي في تركيب الجمله = انا عندي حصان = i have horse =
لاحظوا = i have = متكرره , i have = انا عندييعني حطها في بداية الجمله وحط اي شي عندك = مثال / سياره + كتاب + اي شي = i have a car = انا عندي سياره

الرئيس الأمريكي السابق ( بيل كلينتون ) بيل + bill = فاتورة =
يعني وانت في المطعم تبي الفاتوره تقول= عطني الفاتوره = give me the bill = قيف مي ذا بيلاو تقول = بيل بليز = فاتوره لو سمحت = اهم شي تدبر عمرك

بلوتوث = واواواواو
bluetooth = معروفه مايبيلها طقة عصاة , بس اللي كثيرين مايعرفونه انه وش معنها ؟بلوتوث تعني = الناب الأزرق = او لو حبيتوا نقول الضرس الأزرق ماشي,
بلو= blue = ازرقتوث

= tooth =الناب او الضرس

هذا الحرف وشلون تنطقونه ( T ) = تي صح = تي ,تي , تي= معنها = شاهي = t ea = تي سيف = سيف معروف اذا بغيت ترقص في العرضه مع الشيوخ لازم تجيب معك سيف وتنتبه لاتخبط الي جمبك
سيف= save = يحفظ اويحمي او ينقذ = يعني تقدار تقول: احمني او انقذني = save me
او احفظ المعلومات = save it
او احفظ الصوره =save the picture = سيف ذا بيكتشر

فار = مخلوق نذل يصعب مسكه الى اذا جبت له قطو لأن القطو رجال ومايخاف اما نحن الرجال الله يخلف عليناوالله ننحاش وتوصل انه ننقل من الحي كله ونترك له البيت ملعون الوالدين فار= far = معنها = بعيد = تقدار تقول = انت بعيد مره = u are so far =
يو ار سو ( فار) = so = تعني جدا ,
مثل very
يعني تقدار تقول= u are very far =
يو ار فيري فار = على كيفكم ني = اللحم ني اوالدجاج مو مستوي ني ني
= knee = معنها = ركبه بس ماعليكم من حرف الكاف في بداية الكلمه ماينطق =k nee = تنطق = ني

كان = ( كان) ياما( كان) في قديم الزمان تركي وا م كشه , بس ( كان ) فيه ام القنازع وخربت عليهم كان = CAN = يستطيع او يقدر = انا استطيع = I CAN

ممكن يكون معنها اسم بمعنى = علبه او صفيحه = يعني
علبة البيبسي تسمى كان لأن فيه فرق بين العلبه والقزازه

طيب وش رايكم كسبت التحدي ولا لا؟:SnipeR (63)::SnipeR (63):

:SnipeR (20):

منقوول :bigsmile:

01-22-2010, 02:51 AM

تسلمين يالغـلآ ع الدرس

لاحرمنـآ هيـك طرح وهيـك دروس

تحيايا

01-22-2010, 03:10 AM

الله يسلمك ..

يسلمو ع المرور.

01-22-2010, 03:46 PM

ربط رآئع بس يبيلهآ حفظ خخ2

إلف شكر لكِ كبريآء

لآتحرمينآ

ودي

01-23-2010, 07:41 PM

بصراحة سهل ومفيد تسلمي على الموضوع

01-23-2010, 10:29 PM

المشاركة الأصلية كتبت بواسطة ‏ܓشقى الحيرٍانܓܨ
ربط رآئع بس يبيلهآ حفظ خخ2

إلف شكر لكِ كبريآء

لآتحرمينآ

ودي

...................

اييي طبعا اكيد يبيلها حفظ ..

العـفـوو خيوو . ^:^