أشهـر الكلمآت السعـوديـه المضحكـه

03-26-2006, 03:09 PM

السلام عليكم ورحمة الله وبركاته

أنآ أمس بالليل ألوالد الله يحفظه جاء من الدوام وجاب لي أوراق ..

وقال لي أقراهن وقريتهن وتقطع بطني من الضحـك أعووذ بألله ..

وقلت خلني أنقلهآ لكم يآحبآيبي ...

أشهـر الكلمـآت السعوديـه المضحكـه

كلمآت عآميـه ومعآنيهآ ..

1/ الدلـخ : وهـذا إنسآن غبـي جـداا.ويرفـع الضغـط .. وينرفـز

2/المنسـم : كل مآ مريـت عليه تسمع صوت سسسسسسسسسسسسسس
وذلك راجـع إلى تهريب الهواء من راسة والسبـب في ذلك هو أن في راسة
فتـق لذلك تلقاه دايم يغطس رايه في سطل موية عشان يعرف من وين
التنسيم

3/ المهـوي : هو مرحلـة متأخره من التنسيـم والمهـوي وصل لمرحلـة متأخره جدا بحيـث يفقـد أهله الرجاء منه ...

4/ الشخر المخر أو أبو مشخـر : من نفس فصيلة المنسـم !

5/ السلنتـح : قليـل الأدب

6/ جحلـّط(بتشديد اللام) : وهم مرحلة متقدمة للسلنتح

7/ مزّلـب : يعني بآيعهـآ بتراب

8/ مسفـح : يعنـي طأير في العجـه وهو مآعندهـ ماعند جدتي يعني بالعربي
الفصيـح من جنـب العآرضة

9/ الصتيمـة : وهو الشخـص أللي ماعندهـ ماعند جدتـي ..!!.. ويصدق
أي شي يقآلة

10/المسبـة أو المسبـوة : هو الشخـص أللي يكون مروع في صغره لدرجه
أنه يصبـح شبـه فآقد للعقـل .

11/ الفآهي : هذا الله يخلف مهمآ تقول أو تصآرخ عليه تلقآه فآتح فمه
وبس إذا كلف عمره وتفاعل معك رد عليك وقالك : هه

12/الحقنـة : هو الشخـص الغثيث أللي مايفكك لين تعطيه أللي يبيه منك
ومهمآ تسوي له عشان تصرفه من الموضوع حقه ينشب في حقلك لين
مآيآخذ منك اللي يبيه , وهذا يفسـر في قول العرب : أغث من حقنـة

13/العلة : هذا أللي ماتآخذ أنت منه أي شي ولا عندهـ أستعداد أنه يسمع
منك مهما حآولت وهو كالمرض يعلك لين تنفقع مرارتك منه ....

14/ العربجـي : يظـن معظـم النآس أن العربجـي هو الشخص الشديد حق المشاكل وأللي ما يمشي الا وهو مشخص بنت البكار ( أسم لطريقة لبس
الشماغ عند العرابجة ) وحاط مفاتيحه في سلسلة ولا بس نعال زبيرية
ويسحبها تسحيب لين جآء يمشي ودايم يفتح صدره ورازهـ على فوق
وكآنك ولد لأبوك قله شي بس .

15/ المرجوج : هذا ماعمره صلح لشي في حياته مايمديك تفتح فمك الاوهو
طار في العجـه بدون مآيفهم وش السالفة . والارتجاج الحاصل له يختلف
تمااما عن مشكلة المسبة أو المسبوة حيث يكون الأرتجآج هنآ نتيجة صدمه
وليس نتيجة روعة .

16/المطفوق : من فصيلة المرجوج ... إلا أن مأيميزه هو أنه إذا مر من
عند كأس أو جيك أو بريق أو أي شي فيه سائـل لازم يكبـه (أي يسكبه )
برجله وهو مايدري ..,, ولا تخليه يمر من بجنبك وانت معك صينيه فيها
بيالات لأنه لآزم يطخهآ بيدهـ أو كتفـه ..!! أيضا لا تخليه يصب قهوه
لضيوف لأنه لآزم يكب القهوه على ثووب واحد منهم ....!!!!....

17/ السربوت : هذا أللي مايخلي مكآن مايروح وقد كان الأولين يطلقون
لقب سربوت على من يشرب الدخآن لكن ألحين ألله يخـلف الناس تدخـن
بيديهآ ورجليهآ ولحد يقوول لهم شي ..

18/السمرمدي : وهو من نفس فصيلة السربووت .

19/ الداشر : هذا قليل الأدب ولا يحـب يمآشي إلا السرابيـت .
وإذا قيل فلان دشر اي خرب أخلاقه لكن في الأردن الشقيق كلمة دشر تعني
أتركة ..

20/ الملكـع : امآ هذا فيعرف حتى الجن ومقطع السمكه وذيلهآ ومهمآ تحاول
تلف وتدور معه تراهـ فآهـم وعآرف وش تبي بالضبـط فلا تتعب نفسك

21/ زعيّـط : مسوي نفسه يفهـم كل شي وهو من جنـب العآرضـة .

22/ المصرقـع : هو كل شخـص مايهمـه شي وأللي يطري على باله بيسويه
لأنه ماخذ الدعوه سعة صدر وهبآل ...

23/ المفلـت : هو كل شخـص مآتقد انك تأمنه على شي لأنه مهوب تكانه
ويتميز بكل أنواع الإهمآل والتطنيش ...

24/ الخكـري : ببسطآطه الخكري = نعومه + دلـع + ليونه الله لا يبلانا

25/ اللزقة : هذا الشخـص اللي على طول معـك وقدامك ووراك وكل شي
وتطلـع من الباب تلقاه تركـب في سيارتك تلقاه يطق القزازه وهكذا

26/ الزنقبي :(بتسكين النون وضم القاف) يعني العزووبي.

27/الصديع : اي كلمه في راسه يطلعهآ ولا يتنبآء بأفعآله سواء كآنت صح
أم خطأ .

28/ الجنـط : من فصيلة الدلـخ .

29/ المريوح : هذا أللي نفسه شينـه .

وإنشاءالله تعجبكم ..

على فكره تروون أنآ اللي كتبتهن كلهـن ..

حقووق الطبع محفووظه درب المحبـة ...

03-26-2006, 04:39 PM

هههههههههههههههههههههههههههههههههههههههههههههههههه هه

الله يرجك اما حقووق الطبع محفوضه اقول منت بعيد عن
الصتيمـة : وهو الشخـص أللي ماعندهـ ماعند جدتـي ..!!.. ويصدق
أي شي يقآلة
هههههههههههههههههههههههههههههههه

03-26-2006, 06:12 PM

الفآهي : هذا الله يخلف مهمآ تقول أو تصآرخ عليه تلقآه فآتح فمه
وبس إذا كلف عمره وتفاعل معك رد عليك وقالك : هه

والله شي هذا الله يستر بس علينا لانصير منهم

مشكور اخوي على النقل

03-26-2006, 06:56 PM

20/ الملكـع : امآ هذا فيعرف حتى الجن ومقطع السمكه وذيلهآ ومهمآ تحاول
تلف وتدور معه تراهـ فآهـم وعآرف وش تبي بالضبـط فلا تتعب نفسك

إمـا هذي من صـفاتي الصرااحــة ههههههههههههههههههههه

=-=-=-=-=-=-=-=-=-=-=-=-=-=-=

يعطيكـ العاااافيــة أخوووي درب المحبـّـة

على النقل << من الورقة اللي عطاكـ أبوكـ .,.,

الممــتاز والرائــــع .,.,.,

والله إختياار موفق منكـ لهالموضوع

تحيــآتي

03-26-2006, 09:26 PM

ههههههههههههههههههههههههاي

يعطيك العافيه درب

اجل محفوظه ههههههههههههههههههاي

شكراً

03-26-2006, 11:14 PM

العآقـل ..

ترا كلن يرى الناس بعيـن طبعـة ..

ايه ياحبيبي أكيد محفوظـة مشكلتك انك ماتعبت
التعب اللي أنآ تعبته هههههههههههههههههه

أهم شي مشكووور على مرورورك الرائـع ..

لا هنـت ..

03-26-2006, 11:15 PM

هههههههههههههههههههههههههههه

كحيلآن هههههههههههه

أهم شي أنه أعجبك الموضوع ..

مشكوور على مرورك الرائـع ..

لآ هنـت ...,,

03-26-2006, 11:17 PM

هههههههههههههههههههههههه

ألله يعافيك ...

أنآ أحس انك تشمت بي ..

ايه ياحبيبي مانقلته انت قسم بألله أن يديني خدرن

ههههههههههههههههه

أهم شي أنه أعجبك الموضوع ..

لا هنـت على مرورك الرائـع ...

03-26-2006, 11:18 PM

ألله يعافيك ..

ومشكوور انت على مروورك الرائـع

لا هنـت ...

03-27-2006, 02:27 PM

هههههههههههههههههههه

تسلم يمينك اخوي درب على الكلمات المضحكه

يعطيك العافيه
.

.

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق