العين عن حلـو الكـرى موقهـا تـاب ....

04-01-2011, 05:05 PM

العين عن حلـو الكـرى موقهـا تـاب ,,, ماتـذوق حلـو النـوم مـع ذايقيـنـه
اسباب لانه مـاش شـي ٍ بـلا أسبـاب ,,, هكـا الغـزال اللـي ذبحنـي بزيـنـه
مـر يتخطـا .. ويتلفلـف بـالاسـلاب ,,, وطيّـر عـن القلـب المشقـا يقيـنـه
من نظرته وقع علـى القلـب مضـراب ,,, اشـد وقـع مـن الـرمـاح السنيـنـه
يسرق نظر عينه حذر .. مدري عجـاب ,,, وانـا منـه قلـبـي تقـطـع وتيـنـه
عـرّض ومـن تعريضتـه خافقـي ذاب ,,, وقمـت اتبعـه مغيـر عينـي بعيـنـه
واقفى عجل من نظرتـي فيـه مرتـاب ,,, ويحـط ضـول النـاس بينـي وبينـه
وصديت عنه وخاطـري منـه ماطـاب ,,, كني ماني يمـه .. وانـا اقـول وينـه
اخاف يفطن لي .. وننشـب بالانشـاب ,,, السـوق زحـمـه .. ولاوادم ذهيـنـه
واخذت عنه شوي مقفي .. والاعصـاب ,,, متـوتـره .. مافـكـرت بتهـويـنـه
ولديـت .. ولينـه يسعـر يالاطـيـاب ,,, عنـد الهنـود اللـي لغتهـم رطيـنـه
وارسلت يمـه نظـرة احبـاب لحبـاب ,,, النظـره اللـي ماتركـت لـي غبيـنـه
وأقبـل يبـا يحطنـي عنـه مجـنـاب ,,, وشكيت فـي ممشـاه .. علـى هوينـه
ناظرت فيه .. وضحـك النـاب للنـاب ,,, ومـن ضحكتـه حلـت علـي السكينـه
وموه على اهل السوق .. واشر بالاهداب ,,, اشــارة ٍ تبـغـى قـلـوب ٍ فطيـنـه
منها عرفت انه يبـا يعـود لـو غـاب ,,, وان الامـر ماعـاد هـو فـي يديـنـه
وعقب غلاق اسبوع .. مر ومعه جـاب ,,, صغـيّـر ٍ متـجـود ٍ فــي يميـنـه
صغـيّـر ٍ بالـزيـن للعـقـل نـهـاب ,,, يقـول اخـوي .. ومقصـده فاهمينـه
قصده .. يقول انكان عنـدك أستيعـاب ,,, علـى مـن هـذا ؟؟ ملامـح وعيـنـه
واخذت انـا ويـاه .. مـزح وتعجـاب ,,, عقلـه رزيـن .. وكـل كلمـه رزينـه
فـي موقـع ٍ عنـه المخاليـق غيـاب ,,, الا ملائـكـة الـعـمـل حاضـريـنـه
بينـي وبينـه ماوقـف غـيـر الاداب ,,, آداب سـلــم ٍ كـلـنـا وارثـيـنـه
منه حتـرام شعـور عربيـن الانسـاب ,,, ومنه حتـرام الرجـل نفسـه .. ودينـه
وبغى الوكاد .. وقلـت هايـم ومنصـاب ,,, حبـك .. ذبحنـي لعنـبـو والديـنـه
قال استميحـك عـذر .. واقـول لعـاب ,,, وش هالغـرام اللـي غدابـك بحيـنـه
وحلفت له .. واقسمت في رب الاربـاب ,,, منقـذ مـن الطوفـان راع السفيـنـه
انـي معـك صـادق ولانـي بـكـذاب ,,, والـكـاذب الله لايـطـول سنـيـنـه
قال انت صادق .. مير سابقـك خطـاب ,,, واهلـي فـي تـال الشهـر موعدينـه
كـم لـه وهـو مغيـر ذهـاب إيــاب ,,, لاهــم براضيـنـه .. ولا رافضيـنـه
وان كانهـا تمـت علـى يديـن كتـاب ,,, وتـم القـران .. وروحــو كاتبيـنـه
انا تراي ابـي اعتبـرك مـن الاقـراب ,,, وعلـى النقـا .. تبقـا صلتنـا متينـه
وودع وصـارت كلمتـه تقـل مشهـاب ,,, اركت علـى كبـدي (عراقـي مزينـه )
وبقيت في وضع ٍ تحيـر ابـه الاطبـاب ,,, ايسـت منـه وحالـة اليـاس شيـنـه
واخذت وقـت احسـب ايامـه حسـاب ,,, وقلبـي علـى شوفـه تزايـد حنيـنـه
احيان .. اقول انشد عنه بعض الاصحاب ,,, ويجيـك بالعلـم المـوكـد ( جهيـنـه)
واحيان اقول اصبر على جـور الاتعـاب ,,, ورزق الفتى وأجله كتـب فـي جبينـه
وسكت .. ماودي عليـه افتـح ابـواب ,,, للهرج مـن نـاس ٍ ماهـم راحميـنـه
وصبرت .. مير الصبر طـول ولاثـاب ,,, ومـن طـال صبـره يالله انـك تعينـه
ويوم ان راسي من طويل الصبر شـاب ,,, قـررت عنـه انشـد حـدا مجاورينـه
ونشدت عنـه وقـال راحوبـه أجنـاب ,,, ومن قريتـه شـدّ .. وسكـن بالمدينـه
قلت ايه .. مادام اهلـه عندنـا يجـاب ,,, امـا بعيـد الفـطـر .. والا حتيـنـه
قال اهله معـه رحلـو .. قلـت ياشـاب ,,, يعـنـي لازايـركـم .. ولازايـريـنـه
قال ايه .. مير انسـه والايـام هـراب ,,, تطـول .. وتنسـي ضنيـن ٍ ضنيـنـه
قبلي .. وقبلك خلـت اصحابنـا حـزاب ,,, وكم فرقـت بيـن الخديـن .. وخدينـه
ماعاد فـي شوفـه طلايـب .. وطـلاب ,,, تـرى مـاعـاد الا يــدرج جنيـنـه
وش تطلبـه .. وحبالـه بكـف قضـاب ,,, احذر .. لاينصـب لـك زمانـك كمينـه
قلـت الرجـال مفتلـة روس الاشنـاب ,,, لقسـى الظـروف حسابهـم حاسبينـه
وقفيت من عنده على الغلـب .. غـلاب ,,, اكن غيـض القلـب .. واجحـد ونينـه
واعلنت ياسي .. وانطوت صفحة كتـاب ,,, مــن البـدايـه للنهـايـه حزيـنـه
واقــول يالله لاتـبـارك بالاسـبـاب ,,, اللـي رمتنـي بيـن حبـه .. وبيـنـه

راقت لي.....

04-01-2011, 05:25 PM

اختي افراح حايل
اشكركـ ع الابيات الاكثر من رائعهـ

تسلمـ يمينكـ ياختي

وعسٍـآكـ ع القوهـ

كل الوود

04-01-2011, 05:47 PM

ابيات ررررررروعهـ

تسلم دياتك خيتو

ودي قبل ردي

noni

04-01-2011, 09:45 PM

صح لسان الشاعر , وتسلم يمين ناقلتهـا
كلمات في قمة الجمال

لاعدمنـا هـ التميز
+

04-01-2011, 10:25 PM

ناظرت فيه .. وضحـك النـاب للنـاب ,,, ومـن ضحكتـه حلـت علـي السكينـه

يعطيك الف عاااااااااااافيه

ووودي واحترامي

04-02-2011, 12:35 AM

صبآحّك وُمسآئك

......... ......حرُوُفَ مَن آلشعْر آلآصّيله

،

آولآ.. /

هَلآ بّك مَليوُن وبِ موُضوُعك

ثآنياً ../

*
قَصيّدَة جَميّلةْ
صَحَ نًبضُ الشَاعِرْ وَ سَلمتِ يَ يَدكّ
كلََمآت ملَيئُه بآحَسآس لَ تَصل إليْ القلْبَ مبَآشَرهُ
قصَيده بَكُل الحًقُ متَرفّه تَحملّ مُن المعَآني الجّميَله

صَح نقَلك وْذَوقَك الرَآقْي
أشَكْركُ ..والله يعَطَيكّ الصَحه وُآلعَآفيَه

لآتحرمَنآ مُن ذوُقَك الذّي نترَقبَه دآئمآ

لك مَني تَحيْة آعجَآب وُموده وآحتَرآمَ

ـآعَِمَآقَ آلشمَرْيّ

04-02-2011, 03:13 PM

شآعرهآ فَنآن ّ ..
مُتمَكن ّ
أسر الحرف و بعفويه منه وذهول منا
خاطبنا ب جمال فنه وَ إحساسها وَ روعة حرفها
بِ الفعل يُسمى شاااااعره
|| .. افـْرـراإح حـايــْل
لَآهنتي ّ علَآ هذـآ الجمَآل ّ

04-02-2011, 09:23 PM

كل من دخل صفحتــــــــــــــي
يشرفنــــــــــــي مرروكم الطيب

لاهنتم

كونو دوم هنــــــــــــــــــــــــــــا

اختكم افراح

04-03-2011, 01:38 AM

يسرق نظر عينه حذر .. مدري عجـاب ,,, وانـا منـه قلـبـي تقـطـع وتيـنـه
عـرّض ومـن تعريضتـه خافقـي ذاب ,,, وقمـت اتبعـه مغيـر عينـي بعيـنـه
واقفى عجل من نظرتـي فيـه مرتـاب ,,, ويحـط ضـول النـاس بينـي وبينـه
وصديت عنه وخاطـري منـه ماطـاب ,,, كني ماني يمـه..وانـا اقـول وينـه ..

صح منطووووووووووقك ومنقووووووووولك
أبيات بجد رووووعه
تسلمين ع هيك نقــل
يعطيك العافيه
تقبلي مروري
>لكِ ودي<

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق